Тошкентда белгиланган экологик меъёрларга жавоб бермайдиган транспорт воситалари ҳаракатланиши чекланади.
“Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида”ги президент қарорида белгиланишича, транспорт воситаларининг атмосфера ҳавосига таъсирини камайтириш чораларини кўрилади.
Бунда транспорт воситалари устидан экологик назоратмо ўрнатиш ҳамда ташламаларнинг белгиланган меъёр даражасида бўлишини таъминлаш мақсадида 2023 йил август—сентябрь ойларида икки босқинчли “Тоза ҳаво” ойлиги ўтказилади. 265 та кузатув ва ўлчаш нуқталари ташкил этилиб, автотранспорт устидан экологик назорат ўрнатилади.
Тошкент шаҳрининг 4 та кириш (Учқаҳрамон, Эркин, Шарқ, Бектермир) йўл патрул масканларида тун-у кун эколигик постлар ташкил этилади.
Пойтахтда Н 2 (юк ташиш қуввати 3,5—12 тонна) ва Н-3 (юк ташиш қуввати 12 тоннадан юқори) тоифасига кирувчи транспорт воситаларининг ҳаракати тартибга солинади. Бунда ўрнатилган стандартларга жавоб бермайдиган транспорт воситаларининг кичик автомобиль ҳалқа йўли орқали ҳаракатланиши таъминланади.
Ушбу чора-тадбирлар ижро этиш муддати сифатида 2023 йил декабрь белгиланган.
Изоҳ (0)