Бишкекда ҳокимиятни зўравонлик билан эгаллаб олишга тайёргарлик кўраётган гумонланувчиларни оммавий ҳибсга олиш давом этмоқда. Бу ҳақда Қирғизистон Миллий хавфсизлик давлат қўмитаси матбуот хизмати хабар берди.
Аввалроқ республика Бош прокурори “Бутун Қирғизистон” мухолифат фракцияси раҳбари Адахан Мадумаровни жиноий жавобгарликка тортишга розилик бериш ҳақидаги сўровни парламентга киритган эди. Мадумаров тартибсизликлар ва ҳокимиятни зўравонлик билан эгаллашга тайёргарлик кўришда гумон қилинмоқда.
Шу куни спикер ташаббуси билан депутатлик комиссияси тузилди.
Бош прокурор Мадумаровга нисбатан жиноий иш қўзғатиш учун биринчи марта розилик сўраётгани йўқ. 2022 йил март ойида Жогорку Кенеш бундай сўровни бир овоздан рад этганди.
Махсус хизматларнинг қўшимча тафсилотлари кейинроқ тақдим этилади.
Қирғизистонда давлат тўнтаришига уринишлар
2021 йилнинг ноябрь ойида Қирғизистонда ҳокимиятни зўравонлик билан эгаллашга тайёргарлик кўришда айбланиб, 15 дан ортиқ киши — депутатлар ва собиқ амалдорлар ҳибсга олинган эди.
Ундан аввал республикада 2020 йил октябрь ойида бўлиб ўтган парламент сайловлардан сўнг оммавий норозилик намойишлари бўлиб ўтган. Қонунчилик мажлисига сайловда қатнашган 16 та партиянинг атиги тўрттаси ўтган, намойишчилар натижалардан норози бўлиб, қайтадан сайлов ўтказишни талаб қилган. Оқибатда Қирғизистоннинг ўша пайтдаги президенти Сўронбой Жээнбеков истеъфога чиқган, овоз бериш натижалари эса бекор қилинган.
Ўша йилнинг январида бўлиб ўтган муддатидан аввалги президент сайловларида Жээнбеков кетганидан кейин ҳукумат тепасига келган Садир Жапаров ғолиб бўлди, у овозларнинг қарийб 80 фоизини тўплади.
Изоҳ (0)