Ўзбекистон Кубоги 1/8 финалига йўл олган барча жамоа номи маълум бўлди

Футбол бўйича Ўзбекистон Кубоги 2023 йилги мавсумининг гуруҳ босқичи ўйинлари якунланди.

Гуруҳларда дастлабки иккита ўринни эгаллаган жамоалар плей-офф босқичига йўлланма олди.

• Биринчи ўринни қўлга киритганлар: “ОКМК”, “Насаф”, “Бунёдкор”, “Турон”, “Динамо”, “Олимпик”, “Арал”, “Хоразм”.
• Иккинчи ўринни олган жамоалар: “Андижон SGS”, “Сурхон”, “Металлург”, “Бухоро”, “Локомотив”, “Навбаҳор”, “Пахтакор”, “Пахтакор-79”.

Мусобақанинг 1/8 финалига 5 июнь куни 19:30 да қуръа ташланади.

Гуруҳда биринчи ўринни олган клублар биринчи саватчадан, иккинчи ўрин эгалари эса иккинчи саватчадан жой олади. Биринчи саватчадаги жамоалар 1/8 финал ўйинини ўз майдонида қабул қилади. Регламентга кўра, битта гуруҳда ўйнаган жамоалар нимчорак финалда ҳам ўзаро тўқнаш келиб қолиши мумкин.