Ла Лига “Барселона”нинг молиявий режасини маъқуллади.
Ла Лига вакиллари каталонияликларнинг 2023/24 йилги мавсуми учун молиявий режасини кўриб чиқди ва унга ижобий жавоб қайтарди. Яқин соатлар ичида вазият бўйича расмий баёнот берилиши кутилмоқда.
Mundo Deportivo нашрининг маълумотларига кўра, ушбу режа маъқулланиши учун кўпроқ вақт кетган. Энди “кўк-анорранглилар” “ПСЖ”ни тарк этаётган Лионель Мессига расмий таклиф жўната олади.
Ундан ташқари, “Барселона” бир неча футболчилари, жумладан, Гави ва Роналд Араухоларнинг янги шартномаларини рўйхатдан ўтказа олади.
Клубнинг молиявий режаси харажатларни назорат қилиш, шунингдек, маошларни қисқартириш ҳамда ўйинчиларни трансферга қўйиш масалалари ҳам ўз ичига олади.
Изоҳ (0)