Бухоро вилояти Когон туманида “Геофизика экспедицияси” корхонасида ёнғин содир бўлди. Вилоят ФВБ ҳолат юзасидан маълумот берди. 

Унга кўра, 4 июнь куни соат 22:09да Когон шаҳар ФВБ диспетчерлик хизматига Когон туман “Геофизика” МФЙ ҳудудида жойлашган “Геофизика экспедицияси” корхонаси биносида ёнғин содир бўлгани тўғрисида хабар берилган. Хабарга асосан воқеа жойига жами 7 та ёнғин қутқарув автоэкипажлари жалб этилди. Воқеа жойига соат 22:15 да етиб бориб, соат 22:43 да тўлиқ батамом ўчирилди. 

Ёнғин натижасида бинонинг 4-қаватидаги 50 кв/м майдонда том ости ёғоч қурилмалари ёнган. Ёнғиннинг келиб чиқиш сабаби электр симларининг қисқа туташуви деб тахмин қилинмоқда. Моддий зарари аниқланмоқда. Ёнғин натижасида фуқароларнинг куйиш ва ҳалок бўлиш ҳолатлари қайд этилмади.