Тошкентда пул эвазига ҳаж визаси ва зиёрат учун квота олиб бермоқчи бўлган шахслар қўлга тушди. Бу ҳақда ЎзА хабар берди.
Бош прокуратура ҳузуридаги иқтисодий жиноятларга қарши курашиш департаментининг Яшнобод тумани бўлими ходимлари томонидан ва бошқа ҳуқуқни муҳофаза қилувчи идоралар ходимлари билан ҳамкорликда 31 май куни фуқаро I.Б. аризасида келтирилган важларни текшириб кўриш мақсадида Юнусобод туманидаги “З.Т.” МЧЖ офисида тезкор тадбир ўтказилган.
Тадбирда, “З.Т.” МЧЖ раҳбари “I.Д.” фуқаро “I.Б.”нинг ишончига кириб, уни алдаб, ўзининг Дин ишлари қўмитасида ишловчи танишлари орқали 12 500 доллар эвазига ҳаж зиёратини амалга ошириш учун квота олиб беришни ваъда қилиб, шундан минг долларни олган вақтда холислар иштирокида ашёвий далиллар билан ушланган.
Бундан ташқари, департаментнинг Тошкент шаҳар Яшнобод тумани бўлими ходимлари томонидан ва бошқа ҳуқуқни муҳофаза қилувчи идоралар ходимлари билан ҳамкорликда 2 июнь куни фуқаро Т.I. аризасида келтирилган важларни текшириб кўриш мақсадида Учтепа туманидаги “А.К.” МЧЖ офисида тезкор тадбир ўтказилган.
Тадбирда, МЧЖ раҳбари А.М. ва жамият ходимлари I.И., М.Х. бир гуруҳга бирлашиб, олдиндан жиноий тил бириктириб, фуқаро Т.I.нинг ишончига кириб, уни алдаб, унга юқори лавозимда ишловчи мансабдор танишлари орқали 10 минг доллар эвазига ҳаж зиёратини амалга ошириш учун ҳаж визаси қилиб беришни ваъда қилиб, шундан 3 минг долларни олган вақтда холислар иштирокида ашёвий далиллар билан ушланган.
Мазкур ҳолат юзасидан А.М., М.I., А.М. ва бошқаларга нисбатан Жиноят кодекснинг 168-моддаси 2-қисми “б” банди ва 28,211-моддаси 1-қисми билан жиноят иши қўзғатилиб, дастлабки тергов ҳаракатларини олиб борилмоқда.
Дин ишлари бўйича қўмита ҳаж сафарига юбораётган фирмалардан эҳтиёт бўлишга чақирганди. “Ўзбекистон учун ажратилган ҳаж квотаси фақатгина Дин ишлари бўйича қўмита ва Ўзбекистон мусулмонлари идораси томонидан ташкил этиладиган ҳаж сафарига отланган зиёратчиларга ажратилган, шундай экан, айримларнинг Ўзбекистон орқали ҳаж сафарига жўнатамиз, деган алдовларига учманг”, — дея огоҳлантирганди қўмита.
Изоҳ (0)