Тошкент вилоятининг Олмалиқ шаҳридаги мактабда ўқитувчилар мажбурий меҳнатга жалб этилгани ҳақида хабарлар тарқалди. Камбағалликни қисқартириш ва бандлик вазирлиги буни тасдиқлади.
Маълум қилинишича, ҳолат Тошкент вилояти Камағалликни қисқартириш ва бандлик бош бошқармаси Давлат меҳнат назорати инспекцияси томонидан ўрганилди. Унга кўра, 2-сонли умумий ўртатаълим мактаби директорининг маънавий ва маърифий ишлар бўйича ўринбосари томонидан, Меҳнат кодексининг 5-моддаси ҳамда Вазирлар Маҳкамасининг 349-сонли қарорига зид равишда, беш нафар педагог ходимни маъмурий тартибда ободонлаштириш ва кўкаламзорлаштириш ишларига жалб этилган.
Мансабдорга Маъмурий жавобгарлик тўғрисидаги кодекснинг 294-моддасида назарда тутилган унинг ҳуқуқ бурчлари тушунтирилиб, унга нисбатан ушбу кодекснинг 51-моддаси 2-қисмига асосан маъмурий таъсир чораси қўлланилди.
Ушбу моддага кўра, таълим ташкилотининг педагог ходимларини меҳнатга маъмурий тарзда мажбурлаш БҲМнинг 100 бараваридан 150 бараваригача (33 миллион сўмдан 49,5 миллион сўмгача) жарима солишга сабаб бўлади.
Изоҳ (0)