Россия Украинага бостириб кириши чоғида президент Владимир Путин қўйган мақсадларнинг бирортасига ҳам эриша олмади, дея эътироф этди Давлат думасининг МДҲ ишлари, Евросиё интеграцияси ва ватандошлар билан алоқалар қўмитаси раисининг биринчи ўринбосари, “Единая Россия” аъзоси Константин Затулин.
Россия “Украинанинг денацификацияси, демилитаризацияси ва бетарафлигига” эришмоқчилигини, шунингдек, ўзини мустақил дея эълон қилган Донецк ва Луганск халқ республикалари аҳолисини “ҳимоя” қилаётганини расман айтиб ўтганди, — дея эслатди депутат.
“Ушбу нуқталардан қайси бири бўйича натижаларга эришдик? Бундан ташқари, уларнинг баъзилари ҳеч қандай маънога эга бўлмай қолди. Масалан, Украинанинг бетарафлиги. Ушбу талабнинг маъноси нима? Ҳозирда ҳеч қандай маъно йўқ. Украина мавжуд бўлиб қолса, нейтрал бўлмайди”, — деди Затулин.
Унинг фикрича, Ғарбнинг ҳозирги қўллаб-қувватлаши билан Россия Украинани эгаллаб ололмайди. “Савол шуки, Украина Зеленский ёки унинг ворислари бошчилигида содир бўлаётган барча воқеалар натижасида мавжуд бўлишда давом этадими ёки йўқми? Украина мавжуд бўлишда давом этади, чунки улар олган қўллаб-қувватлаш билан украинларни енгишга куч етмайди”, — деди Затулин.
Унинг фикрича, Россия раҳбарияти бу мавзуда очиқчасига гапирмаса-да, мавжуд вазиятдан хабардор эканлигини “аниқ кўрсатмоқда”.
Изоҳ (0)