Мюнхенлик нафақахўр аёл Анталияда таътилдан сўнг нотўғри рейсга чиқиб, Москвага келиб қолди, деб ёзади Билд ам Соннтаг.
“Етмиш тўққиз ёшли аёл Анталияда ўн кунлик таътилдан сўнг самолётга чиқди. Лекин у режалаштирилганидек Мюнхенга эмас, Москвага етиб келди”, — деб ёзади нашр.
ОАВ маълумотларига кўра, 26 май куни аёл Мюнхенга қайтаётган эди. У навбат кутаётганда самолётга чиқиш йўлаги бошқасига кўчирилди. Натижада немис аёли адашиб, Москвага учиш учун навбатда турган.
Россия пойтахтига келганидан сўнг, аёл Туркияга қайтиш чиптасини расмийлаштиргунча бир неча соат кутди. Истанбул аэропортида нафақахўр тунни скамейкада ўтказди ва эрталаб Мюнхенга парвозни муваффақиятли амалга оширди.
Умуман олганда, аёл йўлда 30 соат вақт ўтказди ва Москвага парвозни амалга оширган Turkish Airlines компаниясидан товон пули талаб қилмоқчи. Авиакомпания қандай қилиб аёлнинг бошқа рейсга чиқишига рухсат бергани тушунарсизлигича қолмоқда.
Изоҳ (0)