Украина президенти Владимир Зеленский Киевда Эстония президенти Алар Карис билан бирга ўтказилган матбуот анжуманида Россияга дипломатик йўл билан санкцияларни четлаб ўтишга ёрдам бераётган давлатларга қарши курашишдан “чарчаганини”, шу боис бу курашни омма олдида олиб боришга тайёрлигини айтди.
“Афсуски, бутун дунёда ва Европа қитъасида Россияга санкцияларни четлаб ўтишга ёрдам берадиган давлатлар бор. Санкцияларни четлаб ўтиш — ростини айтсам, мен худди шу курашдан бир оз чарчадим, мен бу санкцияларни четлаб ўтишга имкон берадиганларга қарши очиқ курашни бошлайман деб ўйлайман”, — деди Украина президенти брифингда.
Зеленский баъзи давлатлар Украинага етказиб бериш учун ҳаво ҳужумидан мудофаа ракеталари ишлаб чиқаришни кўпайтираётган, бошқалари эса Россиянинг кучайишига ёрдам бераётган парадоксал вазиятларни атади.
Бугун Олий бош қўмондонлик штаб-квартирасининг йиғилишида Украина разведкасининг Россияга санкцияларни четлаб ўтиш ва ракета ишлаб чиқаришни кўпайтиришга ёрдам бераётган давлатлар ҳақидаги ҳисоботи тингланди. Кейин Владимир Зеленский бу борада “тегишли қарорлар” тайёрланаётганини айтди.
Изоҳ (0)