Австриянинг ÖBB темир йўл компанияси маълум қилишича, бир нечта ламалар Венадаги циркдан қочиб, темир йўл бўйлаб сайр қилишган.
“Ламалар бўйича ҳеч қанақа драма йўқ! Шаҳар поездлари ҳаракати бир муддат издан чиқди: ламалар темир йўлга чиқиб олишди. Ҳозир улар яна циркка қайтарилди!”, — деб ёзди компания Twitter’да.
Компания вакили Der Standard нашрига маҳаллий вақт билан соат 10.55 дан 11.15 гача Вена марказий вокзалидан Вена-Мейдлинг станцияси ўртасида поездлар ҳаракати тўхтатилганини маълум қилган.
Изоҳ (0)