Бренд дўкон компаниянинг Ўзбекистондаги биринчи дўкони бўлиб, мижозларга 140 м2 майдонда ШК, ноутбуклар, мобил қурилмалар ва Lenovo аксессуарларининг тўлиқ ассортиментини тақдим этади.
Lenovo Ўзбекистон ҳудудида биринчи бренд дўкони очилганини эълон қилади. Компаниянинг расмий бренд-шопи Тошкентда Лабзак кўчаси, 106-уйда жойлашган. Lenovo Store чакана савдо дўконининг оператори Age computers ҳисобланади.
140м2 майдондаги дўконда хусусий ва бизнес-фойдаланувчилар учун ишлаб чиқарувчининг энг машҳур: Lenovo Legion, YOGA, ThinkPad, ThinkBook, IdeaPad портатив ноутбуклари; шунингдек, улар учун аксессуарлар ва ташқи қурилмалар мавжуд. Келажакда дўкон ассортименти ШК, монитор, Lenovo мобил қурилмаларининг энг янги моделлари билан тўлдириб борилади. Дўкон майдонининг 20 фоиз кафолатли хизмат кўрсатиш масалалари бўйича савдо ва мижозлар билан ишлашга бағишланган, 80 фоиз эса Lenovo ускуналари харидорлари янги маҳсулотларни сотиб олишдан олдин кўриб чиқишлари, қурилмаларни синаб кўришлари, харид қилишдан олдин маслаҳатчиларга саволлар беришлари мумкин бўлган намойиш майдонига ажратилган.
“Lenovo Ўзбекистонда биринчилардан бўлиб (халқаро компьютер ускуналари ишлаб чиқарувчи компаниялар орасида) расмий чакана савдони ривожлантиришни бошлади. Компания дўкони - Ўзбекистон ҳудудида харидорнинг бренд билан расмий алоқа нуқтасидир. Бу ерда мижозлар нафақат ўзларининг турмуш тарзи ва вазифалари учун ноутбук танлашлари, балки керак бўлганда кафолат хизматига мурожаат қилишлари ёки созлаш бўйича маслаҳат олишлари мумкин. Бунда улар ушбу қурилманинг келиб чиқишига ва кўрсатилаётган хизматлар сифатига ишонч ҳосил қилишлари мумкин", — дейди Lenovo Intelligent Devices Group (IDG) компаниясининг Марказий Осиё ва Озарбайжондаги бош директори Алнур Ермагамбетов.
Lenovo бренди дўконининг очилиши доирасида Legion ва Yogа ноутбукларининг биринчи харидорлари орасида бренднинг аксессуарлар портфелидаги совринлар: ташқи қурилмалар, сичқончалар, клавиатуралар ўйналади.
Сиз товарлар, ассортимент, қўшимча хизматлар ва сервислар мавжудлиги, шунингдек дўконнинг иш вақти ҳақидаги маълумотларни Lenovo нинг расмий саҳифасидан олишингиз мумкин.
Lenovo компанияси ҳақида
Lenovo (HКСЕ: 992) (АDR: LНВGY) $62 миллиардлик+ компания бўлиб, Fortune Global 500 рейтингида дунёдаги энг йирик компаниялар рўйхатида 171-ўринни эгаллаган, бутун дунё бўйлаб 77 000 кишини иш билан таъминлайди ва ҳар куни 180 миллион мижозга хизмат кўрсатади. Барча учун ақлли технологияларнинг дадил тасаввурига эътибор қаратиб, Lenovo "янги IT технологиялари" ("Мижоз-периферия-булут-тармоқ-ақлли технологиялар"), шу жумладан серверлар, сақлаш тизимлари, мобил қурилмалар, дастурий таъминот, хизматлар ва сервислар ривожланишига туртки бўлган ўсишнинг янги йўналишларини ўрганиш орқали шахсий компьютерлар бозоридаги етакчи глобал ўйинчи сифатидаги муваффақиятини мустаҳкамлади.
Сайт: Lenovo.com
Instagram: @lenovouzbekistan
Реклама ҳуқуқи асосида.
Изоҳ (0)