“Болалар” гуруҳи яккахони, Ўзбекистонда хизмат кўрсатган артист Тоҳир Содиқовнинг концертидан сўнг вояга етмаган қизга тегажоғлик бўлгани ортидан жанжал келиб чиққани ҳақида хабарлар тарқалди. Шаҳар ИИББ мазкур ҳолат юзасидан маълумот берди. 

Унга кўра, 1 июнь куни тахминан соат 22:45 ларда Чилонзор туманида бўлиб ўтган концертларнинг бирида, 2003 ва 2004 йилда туғилган бир нечта фуқаролар дастур якунлангандан сўнг оғзаки тортишиб қолгани натижасида томонлар ўзаро жанжаллашиб кетгани аниқланган. 

Мазкур ҳолат юзасидан ушбу фуқароларга нисбатан Маъмурий жавобгарлик тўғрисидаги кодекснинг 183-моддаси (майда безорилик) ва 194-моддаси (ички ишлар органлари ходимининг қонуний талабларини бажармаслик) аломатлари билан маъмурий баённомалар расмийлаштирилиб, қонуний чора кўриш учун Жиноят ишлари бўйича Чилонзор туман судига юборилган.