Қулоққа камфора ёғини томизиш мумкинми? Соғлиғингизга зиён етказмаслик учун бу қандай бажарилади. Wday нашри бу борада мутахассислар тавсиясини жамлади.
Қулоқлар учун камфора ёғи: яхши ёки ёмон?
Камфора ёғи маҳаллий қиздириш хусусиятини берувчи таъсирга асосланган. Қон томирларни кенгайтиради ва камфора суртилган ҳудудда қон айланишини фаоллаштиради, бу яллиғланишни бартараф этишга ёрдам беради.
Камфора ёғи бактериал табиат билан яллиғланган қулоқ оғриғида муҳим бўлган антисептик таъсирга эга.
Қулоқ каналида қичишиш, тортувчан оғриқ каби отит (қулоқ яллиғланиши) белгилари пайдо бўлганда камфора ёғини қўллаш тавсия этилади. Қулоқлар учун камфора ёғи сизга ёқимсиз симптомлардан халос бўлиш ва тикланишни тезлаштириш имконини беради. Аммо бу шифо эмаслигини билиш муҳимдир.
Ушбу воситадан фақат яллиғланиш сабабларини аниқлагандан сўнг шифокор томонидан тайинланган терапияга қўшимча сифатида фойдаланишингиз мумкин. Агар касаллик инфекциядан келиб чиққан бўлса, асоратларни олдини олиш учун шифокор назорати остида антибиотиклар билан даволаш керак.
Қулоқлар учун камфора ёғидан фойдаланиш
Ёғни қўллаш усули маълум бир касаллик курсининг хусусиятларига боғлиқ.
Ташқи яллиғланиш билан, эшитиш ўзгаришлари кузатилмаса, камфора мойи ишлатилади, яъни қулоққа томизилади. Батарея ёки иссиқ сувда тана ҳароратига қадар иситилади. Беморнинг оғриётган қулоғини юқорига қўйиб, ичига 2-3 томчи мой томизиш керак, бу ҳолатда бир оз ётиш тавсия этилади. Жараённи кунига 2-3 марта такрорлаш лозим. Агар отит бурун битиши ва бурун йўллари билан бирга кечаётган бўлса, бу усул тўғри келмайди.
Шифокор ўрта қулоқнинг яллиғланишини аниқлаган бўлса, дори терапиясидан ташқари, камфора ёғи билан тампонлар қўлланилади. Улар 3-5 соат давомида яллиғланган қулоққа жойлаштирилади, юқоридан изоляция қилинади.
Агар эшитиш бузилиши қайд этилса, бу касалликнинг оғир йўлини кўрсатади, бемор имкон қадар тезроқ шифокор билан маслаҳатлашиши керак. Бундай қийин вазиятларни даволашдан ташқари, камфора ёғи билан қулоқлар учун компрессдан фойдаланишингиз мумкин. У оғриган қулоққа иссиқ қилиб ўралади ва бир кеча қолдирилади. Муолажани ҳар куни такрорлаш лозим.
Камфора ёғини яллиғланган қулоқдаги терининг шикастланиши, ундан йирингли оқинди келаётган вақтда ишлатиш мумкин эмас. 2 ёшгача бўлган болаларга бундай чораларни қўллаш тақиқланади ва барча усуллар педиатр тавсияси билан ўтказилиши лозим. Соғлиғингизга вақтида ғамхўрлик қилиш сизни кўп йиллар давомида нуқсонсиз эшитишингизни таъминлайди.
Изоҳ (0)