Футбол бўйича ёшлар ўртасидаги Жаҳон чемпионатининг нимчорак финалидан ўрин олган тўртта ўйин Ўзбекистон вақти билан 31 майдан 1 июнга ўтар кечаси бўлиб ўтди.
Бразилия ёшлари Тунисни йирик ҳисобда мағлуб этди. Биринчи бўлимда жанубий америкаликлар иккита тўп фарқи билан олдинга ўтиб олди. Танаффус арафасида Бразилия бир ўйинчи кам бўлиб қолди, шунга қарамай ўйин сўнгида яна иккита гол уришга эришди ва йирик ҳисобда ғалаба қозонди.
Бразилия чорак финалда Ўзбекистонни мағлуб этган Исроил билан ўйнайди.
Колумбия U-20 терма жамоаси Словакияни 5:1 ҳисобида таслим этди. Италия эса Англияга қарши ўйиннинг сўнгги дақиқаларидаги гол эвазига ғалабани илиб кетди. Колумбия ва Италия чорак финалда ўзаро тўқнаш келади.
Мусобақа мезбони Аргентина Нигерия ёшларига 0:2 ҳисобида имкониятни бой берди. Нигерияликлар кейинги босқичда Эквадор — Жанубий Корея ўйини ғолиби билан куч синашади.
U-20 ЖЧ—2023
1/8 финал баҳслари
31 май/1 июнь
Бразилия – Тунис 4:1
Голлар: 1:0 – 11, пенальти Леонардо, 2:0 – 31 Сантос, 3:0 – 90+1 Мартинс, 4:0 – 90+10 Сантос, 4:1 – 90+13 Отман.
Колумбия – Словакия 5:1
Голлар: 1:0 – 48 Кортес, 2:0 – 50 Асприля, 3:0 – 52 Анхел, 4:0 – 63 Анхел, 4:1 – 87 Ямбор, 5:1 – 90+4 Кортес.
Англия – Италия 1:2
Голлар: 0:1 – 8 Балданзи, 1:1 – 24 Девин, 1:2 – 87, пенальти Касадеи.
Аргентина – Нигерия 0:2
Голлар: 0:1 – 61 Муҳаммад, 0:2 – 90+1 Сарки.
Изоҳ (0)