Қозоғистон Ўзбекистонга кўмир экспортини босқичма-босқич 25 мартагача оширади. Бу ҳақда саноат ва инфратузилмани ривожлантириш вазири ўринбосари Иран Шарханга таяниб, “Курсив медиа” хабар берди.
Ўзбекистонга 2025 йилдан бошлаб босқичма-босқич 12,8 миллион тоннагача кўмир етказиб бериш кўриб чиқилмоқда. Экспорт йўналишлари кенгаяди”, — деди у Остонадаги тўртинчи кўмир форумида.
Вазир ўринбосари кўмир саноати электр энергиясининг қарийб 70 фоизини ишлаб чиқаришни, кокс ишлаб чиқаришдан 100 фоиз фойдаланишни таъминлашини ҳамда ички сектор ва мамлакат аҳолисининг ёқилғига бўлган эҳтиёжини қондиришини эслатди.
2022 йилда Қозоғистоннинг кўмир қазиб олиш корхоналари томонидан 113,9 миллион тонна кўмир қазиб олинган, бу ўтган йилга нисбатан 1,9 фоизга кўпдир.
2022 йилда Қозоғистон Евросиё иқтисодий иттифоқидан ташқарига 701,5 миллион долларлик 9,8 миллион тонна кўмир экспорт қилди.
Шу билан бирга, Ўзбекистонга 13,6 миллион долларга 487,9 минг тонна Қозоғистон кўмири олиб келинган.
Аввалроқ Европа фойдаланилмаётган кўмир учун Осиёдан харидор қидира бошлагани ҳақида хабар берилганди.
Изоҳ (0)