Ўзбекистон байроғидан фойдаланиш мумкин бўлган ҳолатлар кенгаймоқда

“Ўзбекистоннинг Давлат байроғи тўғрисида”ги қонунга ўзгартириш ва қўшимчалар киритиш ҳақидаги қонун лойиҳаси эълон қилинди. 

Қонун билан давлат байроғидан фойдаланиш мумкин бўлган ҳолатлар кенгаймоқда. Шунингдек, лойиҳада байроққа нисбатан зарур ҳурматни таъминлаш шарти билан қуйидагилар таклиф этилмоқда:

• давлат байроғидан спорт мусобақаларида, оммавий жисмоний тарбия тадбирларида, маданий ва ўзга оммавий тадбирларда, оилавий байрамларда, хотиравий саналарни байрам қилишда ҳамда бошқа ҳолларда фойдаланилишга рухсат бериш;
• байроқдан ва унинг тасвири туширилган белгилардан жамоат жойлари ва биноларда, яшаш ёки иш жойларида ҳамда уларга туташ бўлган ҳудудларда, транспорт воситаларининг салонида фойдаланишга рухсат бериш;
• давлат органларининг рамзларида (байроқ, гералдик белги) ва уларнинг расмий веб-сайтларида давлат байроғининг тасвири туширилган белгилардан фойдаланишга ҳуқуқий асос ўрнатиш;
• давлат байроғи тасвиридан устки кийимга безатиш учун фойдаланишга рухсат бериш;
• давлат байроғига нисбатан ҳурматсизлик билан муносабатда бўлинишига йўл қўйилмайдиган ҳоллар аниқ белгилаб берилмоқда.