Статистика агентлиги Ўзбекистон вилоятлари марказий ҳудудлари кесимида 2023 йилнинг май ойида тайёр паловнинг ўртача нархларига оид маълумотларни эълон қилди.
Маълум қилинишича, энг қиммат палов Тошкент шаҳрида сотилган бўлиб, бир порцияси 27 900 сўм бўлган. Энг арзон ош эса Фарғона вилоятида — бир порцияси 19 200 сўмдан сотилган. Ушбу вилоятда апрель ойида ҳам палов бошқа ҳудудларга нисбатан энг арзон нархда сотилганди.
Статистика агентлиги томонидан ҳудудлардаги ош марказларида сотилаётган паловнинг ўртача нархлари (2023 йил май ойи учун):
1 порция ошнинг ўртача нархи:
- Қорақалпоғистон Республикаси – 20 800 сўм;
- Андижон вилояти – 22 200 сўм;
- Бухоро вилояти – 24 000 сўм;
- Жиззах вилояти –23 000 сўм;
- Қашқадарё вилояти – 23 800 сўм;
- Навоий вилояти – 20 400 сўм;
- Наманган вилояти – 19 800 сўм;
- Самарқанд вилояти – 24 800 сўм;
- Сурхондарё вилояти – 23 800 сўм;
- Сирдарё вилояти – 22 800 сўм;
- Тошкент вилояти – 21 800 сўм;
- Фарғона вилояти – 19 200 сўм;
- Хоразм вилояти – 22 400 сўм.
Агентлик маълумотида келтирилишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради. Мазкур маълумотларнинг шаклланиш жараёнида фақатгина танлаб олинган умумий овқатланиш муассасалари (ош марказлари)даги паловнинг ўртача нархлари ҳисобга олинган.
Ўзбекистонда энг оммавий таом — ош нархлари тўғрисидаги маълумотларни шакллантирувчи “Палов индекси” 2020 йилнинг январидан жорий этилган. Ушбу маълумотларни шакллантиришда республиканинг барча ҳудудларида 1 килограмм палов тайёрлаш учун сарфланадиган масаллиқлар миқдори ўрганиб чиқилади. Шунга кўра, умумий овқатланиш муассасаларида бир порция паловнинг ўртача нархи белгиланади.
Изоҳ (0)