Россия ташқи ишлар вазири Сергей Лавров АҚШнинг Жанубий Африкадаги элчиси Рубен Бригетининг республика Россия армиясини қурол-яроғ билан таъминлаб туриши ҳақидаги баёнотларига жавоб берди.

Жаноб Лавров АҚШ элчисига “ўз жойини билиб юришни” ва Россия ҳамда Жанубий Африка ўртасидаги муносабатлардан четда туришни маслаҳат берди.

Вазирнинг сўзларига кўра, Россия ва Жанубий Африка “ўзаро муносабатларни халқаро ҳуқуқ нормалари ва тамойилларига тўлиқ мувофиқ равишда қурадиган суверен давлатлардир”. Сергей Лавровнинг ишончи комилки, АҚШ элчилари, "эҳтимол, чет эл жамоатчилиги олдида уларнинг имижига ғамхўрлик қилгани маъқулдир".

“Агар америкалик ёки хориждаги бошқа элчига бирор нарса туюлган бўлса, унда ўз ўрнини билиши ва бошқаларнинг ишига аралашмаслиги керак. Қурол етказиб бериш мавзусига келсак, яна бир бор таъкидламоқчиманки, биз ҳеч қачон халқаро меъёрларни бузмаймиз”, — дейди жаноб Лавров.