Тошкент шаҳрида маст ҳолда машина бошқариб, 11 ёшли қизнинг ўлимига сабабчи бўлган ҳайдовчига ҳукм ўқилди.
Иш ҳужжатларида келтирилишича, 2022 йил декабрь ойида судланувчи 4 нафар йўловчи билан маст ҳолда Lacetti бошқариб кетаётган бўлган. Мазкур ҳайдовчи Cobalt билан тўқнашув содир этган. ЙТҲ оқибатида Cobalt’да бўлган 11 ёшли қиз шифохонада вафот этган. Судланувчи ўз айбига тўлиқ иқрор эканлигини билдирди.
“Пушаймонман, айбимга тўлиқ иқрорман. Менинг ҳам уч нафар вояга етмаган фарзандим бор. Фарзандининг расмини кўриб қолган эдим, ҳали-ҳали кўз олдимдан кетмаяпти. Имкон яратиб беришса, керак бўлса, тиз чўкиб кечирим сўрайман. Сабабчи бўлиб қолдим”, — дейди айбдор.
Судланувчи Жиноят кодексининг 266-моддаси 2-қисми билан айбли деб топилди ва икки йил автомобиль бошқариш ҳуқуқидан маҳрум қилинган ҳолда 6 йил муддатга озодликдан маҳрум қилиш жазоси тайинланди.
Изоҳ (0)