Қозоғистоннинг Туркистон вилоятида иш берувчи ўзбекистонликларнинг ҳужжатларини олиб, қайтариб бермаётгани аниқланди. Ташқи меҳнат миграцияси агентлиги ҳолат юзасидан маълумот берди.
Унга кўра, Қозоғистоннинг Туркистон вилоятида вақтинчалик меҳнат фаолиятини амалга ошираётган ўзбекистонликларнинг ҳужжатларини иш берувчи олиб қўйиб, қайтариб бермаётгани ҳақида мурожаат бўлган.
Ташқи меҳнат миграцияси агентлигининг Чимкентдаги вакили ва Туркистон полицияси департаменти ҳамкорлигида уларнинг паспортлари олиб берилиб, ватанга қайтишида ёрдам берилди.