Франциялик футболчи Карим Бензема “Реал”ни тарк этишга яқин.
AS нашрининг хабарига кўра, 35 ёшли футболчига Саудия Арабистони клубидан таклиф мавжуд. Саудияликлар Каримга 2 йиллик шартнома ва солиқлардан ташқари йилига 200 миллион евро таклиф қилган. Шунингдек, ҳужумчи Саудия Арабистони, Греция ва Мисрнинг ЖЧ—2030 мезбонлиги учун қўшма аризаси бўйича элчи вазифасини ўтаса, у учун ҳам алоҳида пул олиши белгиланган.
Бенземанинг “Реал” билан шартномаси июнь ойида ўз ниҳоясига етади. Ҳозирча мадридликлар билан янги битим борасида келишув амалга ошмаган.
Француз жорий мавсум “қаймоқранглилар” сафида Ла Лигада 23 та ўйинда иштирок этиб, 18 та гол ва 3 та голли узатмага муаллифлик қилди.
Аввалроқ, “ПСЖ” ҳужумчиси Лионель Мессига ҳам Саудия Арабистони клуби рекорд нархдаги маош таклиф қилгани хабар қилинганди.
Изоҳ (0)