Жиззах вилояти Шароф Рашидов туманидаги корхонадан салкам бир млрд сўмлик электрдан қарздорлик ундирилди. Бу ҳақда вилоят ҳокимлиги ахборот хизмати хабар берди. 

Унга кўра, МИБ иш юритувидаги Жиззах туманлараро иқтисодий судининг 2022 йил 27 декабрдаги ижро варақасига асосан қарздор Жиззах вилоят насос станциялари ва энергетика бошқармасидан “Жиззах ҳудудий электр тармоқлари” АЖ фойдасига 962,3 миллион сўм миқдоридаги қарздорлик ундириш белгиланган. Мазкур ижро иши доирасида қарздорга ижро иши қўзғатилиб, тарафларга юборилган.

Шунингдек, 12 дона автотранспорт воситаси, 7 дона техника ва 30 та махсус воситалар, 34 та кўчмас мулкига тақиқ ўрнатилган. Банк ҳисоб рақамларига банд солинган.

Ижро иши бўйича амалга оширилган мажбурий ижро ҳаракатлари натижасида қарздор Жиззах вилоят насос станциялари ва энергетика бошқармасидан қарздорлик тўлиқ ундирилиб, ижроси амалда таъминланди.