Ҳиндистонда зиёратчилар ўтирган автобус дарага қулади, 10 киши ҳалок бўлди (фото)

Ҳиндистон шимолида автобус дарага қулаши оқибатида камида 10 киши ҳалок бўлди, 55 киши яраланди. Бу ҳақда АNI нашри хабар берди.

Автобус Амритсар шаҳридан Катрага зиёратчиларни олиб кетаётгани эди. Бахтсиз ҳодиса манзилдан тахминан 15 километр узоқликда юз берган.

Полиция маълумотларига кўра, автобусда камида 65 киши бўлган, бу белгиланган сиғимдан ортиқ эди.

“Йўловчилар сони рухсат этилган юкламадан ошиб кетган, бу факт тергов давомида текширилади”, — дея полиция вакили сўзларидан иқтибос келтирди агентлик.

Аввалроқ Покистонда йўловчи автобуси кўприкка урилиб, жарга қулагани ҳақида хабар берилганди. Автобус ичида 44 киши тириклайин ёниб кетган. Испанияда эса автобус дарёга қулаб тушган, олти киши ҳалок бўлган.

Шунингдек, Перудаги Анд тоғларида автобус жарликка қулагани, оқибатда 15 киши ҳалок бўлгани ҳақида хабар берилган.