Финляндия ва Латвия мезбонлигида ўтган хоккей бўйича Жаҳон чемпионати якунланди.
Финалда Канада терма жамоаси Германия устидан ғалаба қозониб (5:2), ўз тарихида 28 марта чемпионга айланди.
28 та олтин медал — бу Жаҳон чемпионати рекорди ҳисобланади. Канадаликлар бу борада Россия / СССРни (27) ортда қолдирди.
Учинчи ўрин учун кечган баҳсда Латвия термаси АҚШ устидан сенсацион ғалабага эришди (4:3).
Қайд этиш керак, аввалига мусобақа Россиянинг Санкт-Петербург шаҳрида ўтказилиши режа қилинганди. Бироқ Россиянинг Украинадаги ҳарбий ҳаракатлари боис мамлакатдан мезбонлик олиб қўйилганди.
Шунингдек, Украинага ҳужум сабаб 2022 йилнинг февралида Россия ва Беларусь Халқаро хоккей федерацияси (IIHF) аъзолигидан чиқарилган ва Жаҳон чемпионатида иштирок этиш ҳуқуқидан маҳрум бўлганди.
Изоҳ (0)