Фарғона вилоятининг Қувасой шаҳрида Миллий гвардия Қўриқлаш бошқармаси ҳамда тез ёрдам автомобиллари иштирокида йўл-транспорт ҳодисаси содир бўлди. Бу ҳақда бошқарма матбуот хизмати хабар берди.
Мазкур ҳолат юзасидан олиб борилган дастлабки суриштирувлар жараёнида, тезкор ҳаракатланувчи гуруҳ ҳайдовчиси бошқарувидаги автотранспорт воситаси Қувасой шаҳар Алишер Навоий кўчасида ҳаракатланиб кетаётган вақтида, қарама-қарши йўналишда ҳаракатланиб келаётган тез тиббий ёрдам бўлимининг Damas русумли автомашинаси билан тўқнашиб кетган.
ЙТҲ натижасида икки нафар фуқаро енгил ва ўрта даражадаги тан жароҳати олган.
Ҳозирда ҳолат юзасидан Қувасой шаҳар прокуратураси томонидан терговга қадар текширув ишлари амалга оширилмоқда.
Йўл-транспорт ҳодисалари билан боғлиқ ҳолатлар
7 май куни Тошкентнинг Олмазор туманида йўловчи автобуси ва Cobalt иштирокида ЙТҲ юз бергани, ундан олдин Қашқадарёда икки машина тўқнашуви оқибатида икки киши ҳалок бўлгани, Тошкентда бошқарувни йўқотган Cobalt ағдарилиб, ёниб кетгани, Хоразмда юқори тезликда ҳаракатланиб, дарахтга урилган Spark йўловчиси ҳалок бўлгани тўғрисида хабар берилганди.