Фарғона вилоятининг икки туманида электрдан ноқонуний фойдаланганлар 333 млн сўм зарар етказди. Бу ҳақда Иқтисодий жиноятларга қарши курашиш департаменти ахборот хизмати хабар берди. 

Унга кўра, ҳолат Бош прокуратура ҳузуридаги департаментнинг Фурқат ва Тошлоқ туман бўлимлари томонидан ЭТК ходимлари билан ҳамкорликда ўтказилган терговга қадар текширувларда аниқланган. 

 “Ч.К.” ва “А.Е.” фермер хўжаликлари ҳамда “B.Г.” МЧЖ масъул шахслари ун тегирмони, сув насоси ва ишлаб чиқариш цехини умумий фойдаланишдаги электр тармоқларига улаб, жами 333 миллион сўмлик электр энергиясидан ноқонуний фойдалангани маълум бўлган.

Мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.