Туркияда 28 май куни президентлик сайловининг иккинчи тури бошланди.
Anadolu маълумотига кўра, соат 8:00 да очилган сайлов участкалари маҳаллий вақт билан ва соат 17:00 да (Тошкент вақти билан соат 19:00) ёпилади. Бутун мамлакат бўйлаб 191 мингдан ортиқ сайлов қутилари ўрнатилган. Сайловда иштирок этувчилар сони 60 миллион кишидан ортиқ.
Овоз беришнинг биринчи тури 14 май куни бўлиб ўтганди. Унда президентликка номзодларнинг ҳеч бири 50 фоиз овоз тўплай олмаганди. Туркиянинг амалдаги президенти Ражаб Тоййиб Эрдўғон 49,51 фоиз, унинг асосий рақиби, мухолифатчиларнинг ягона номзоди Камол Қиличдарўғли 44,88 фоиз овоз тўплаган.
Сайлов участкалари ёпилгач, овоз бериш натижаларини ҳисоблаш бошланади. Туркия Марказий сайлов комиссияси 28 май куни соат 21:00 га қадар дастлабки натижаларни эълон қилишни тақиқлаган.
Туркиянинг амалдаги президенти Ражаб Тоййиб Эрдўғон ҳам, Олти мухолифатчи партияси альянсидан (Халқ альянси) мухолифатчи номзоди Камол Қиличдарўғли ҳам якуний ғалабага ишонч билдирган.
Изоҳ (0)