Тошкент шаҳрининг қатор ҳудудларида ичимлик суви ва иссиқ сув таъминоти бир кунга ўчирилади. Бу ҳақда “Тошкент шаҳар сув таъминоти” МЧЖ хабар берди.
Унга кўра, 2023 йил баҳорги-ёзги мавсумга тайёргарлик бўйича катта ҳажмли сув ўтказгич тармоқларида режали профилактика-таъмирлаш ишлари олиб борилиши муносабати билан айрим ҳудудларда сув таъминоти тўхтатилади. Хусусан, 29 май соат 09:00 дан 30 май соат 09:00 гача:
- Мирзо Улуғбек тумани бўйича: Уруғчилик маркази, Миллий боғ, Янги тонг, Алишеробод, Зафар, Жўшқин, Соғлом авлод, Фаровон ҳаёт, Жасорат, Нурли Замин кўчаларида, Анай булоқ кўчаси кўп қаватли уйда, Техника хавфсизлиги олийгоҳида, Вилоят суд-тиббиёт экспертизасида, Меҳнат ва ижтимоий академиясида;
- Сергели тумани бўйича: “Нўғайқўрғон”, “Юқори Дархон”, “Белариқ”, “Паст Дархон” маҳаллаларида, Деҳқон бозори, Сергели автомобиль бозорида;
- Янгиҳаёт тумани бўйича: “Дўстлик”, “Чарағон”, “Виқор”, “Ал-Фарғоний”, “Тошкент”, “Чортоқ”, “Чорбоғ”, “Ёрқин ҳаёт”, “Олчазор”, “Қипчоқ”, “Йўлдош”, “Янги Чоштепа”, “Чоштепа”, “Иқбол”, “Файзли” маҳаллаларидаги кўп қаватли уйлар ва хусусий хонадонларда, 37-сонли оилавий шифохонада, 1-сонли туғуруқхонада, туман ҳокимияти ва прокуратурасида сув бўлмайди. Сув таъминоти тўхтатилган манзилларга махсус техникаларда сув етказиб берилади.
Изоҳ (0)