Шавкат Мирзиёев 28 май куни телефон орқали мулоқотда Туркия президенти Ражаб Тоййиб Эрдўғонни президентлик сайловида эришган ғалабаси билан табриклади. Бу ҳақда Президент матбуот хизмати хабар берди.
Унга кўра, сайловнинг иккинчи турида сайловчилар иштирокининг юқори даражаси ва овоз бериш натижалари қардош Туркия халқи амалдаги давлат раҳбарининг сиёсати ва ислоҳотлар дастурини қўллаб-қувватлаётганининг ишончли ифодаси экани қайд этилди.
Суҳбатда Ўзбекистон билан Туркия ўртасидаги стратегик шериклик муносабатларини янада мустаҳкамлаш ва ҳамкорликни кенгайтиришнинг долзарб масалалари ҳам кўриб чиқилди. Олий даражадаги кенгашнинг навбатдаги йиғилиши кун тартибини тайёрлаш мақсадида барча даражаларда фаол мулоқотларни давом эттиришга келишиб олинди.
Давлат раҳбарлари халқаро сиёсат ва минтақавий ҳамкорлик масалалари юзасидан ҳам фикр алмашди.