Наманган шаҳрида ёнғин ичида қолиб кетган икки ва уч ёшли бола қутқарувчилар томонидан олиб чиқилди. Бу ҳақда “Бу кун” дастурида хабар берилди.

Унга кўра, ҳодиса 16 май куни соат 17:53 да “Марғилон” МФЙ да жойлашган хонадонларнинг бирида содир бўлган. Соат 17:59 да ёнғин қутқарув экипажи воқеа жойига етиб бориб, 18:27 да ёнғин тўлиқ бартараф этилган. Ёнғин ўчириш вақтида уй эгасининг икки ва уч ёшли ўғил ва қиз фарзанди қутқарувчилар томонидан олиб чиқилган.

Ёнғин натижасида уйнинг шифт ва том қисмидан 70 кв/м жойи ҳамда уй-рўзғор буюмлари ёниб зарарланган. Ҳозирда ҳолат юзасидан терговга қадар суриштирув ишлари олиб борилмоқда.