А Серия. “Интер” 5 та гол урилган ўйинда “Аталанта”дан устун келди, “Рома” сўнгги дақиқаларда урилган голлар эвазига мағлубиятга учради

Футбол бўйича Италия чемпионатининг 37-туридан ўрин олган ўйинлар 27 май, шанба куни бўлиб ўтди.

“Интер” ўзида “Аталанта”ни қабул қилди ва 3:2 ҳисобида ғалаба қозонди. “Нераззури” сафида Ромелу Лукаку, Николо Барелла ва Лаутаро Мартинеслар ўз ҳисобига гол ёздириб қўйди. Меҳмонлар таркибида Марио Пашалич битта гол муаллифига айланган бўлса, яна битта гол Онана ҳисобига автогол сифатида ёзилди. 

“Рома” сафарда “Фиорентина” меҳмони бўлди. Учрашувнинг 11-дақиқасида римликлар аш-Шааравининг голи эвазига ҳисобни очди. Шундан сўнг мезбонлар тўп назоратида устунлик қилди ва бир нечта хавфли вазиятлар яратди. Фақатгина 85-дақиқада Лука Йовичнинг голи эвазига ҳисобни тенглаштиришга муваффақ бўлди. Орадан 3 дақиқа ўтиб, Жонатан Иконе “Фиорентина”га ғалаба келтирувчи голни урди. Шу тариқа Жозе Моуриньо шогирдлари ўйиннинг катта қисмида ҳисобда олдинда бориб, сўнгги дақиқаларда мағлубиятга учради.

Элдор Шомуродов тўп сураётган “Специя” “Торино”га қарши баҳс олиб борди ва 0:4 ҳисобида имкониятни бой берди. Ўзбекистонлик футболчи учрашувда майдонга тушмади. 

Шанба кунги ўйинлардан сўнг турнир жадвали қуйидагича кўриниш олди:

А Серия

37-тур баҳслари

27 май, шанба

“Интер” – “Аталанта” 3:2

Голлар: 1:0 – 1 Лукаку, 2:0 – 3 Барелла, 2:1 – 36 Пашалич, 3:1 – 77 Мартинес, 3:2 — 90+1 Онана (автогол).

“Интер”: Онана, Думфрис, Д’Амброзио (Дармиан, 83), Ачерби, Бастони (де Врей, 81), Димарко (Гозенс, 70), Брозович, Чалҳанўғлу, Барелла (Аслани, 81), Лукаку (Жеко, 81), Мартинес.

“Аталанта”: Спортелло, Меле (Околи, 86), Толои, Жимшити, Скалвини, Заппакоста, де Рон, Пашалич (Лукман, 61), Копмейнерс, Эдерсон (Муриэль, 69), Ҳейлунд.

Огоҳлантириш: Толои (58).

“Фиорентина” – “Рома” 2:1

Голлар: 0:1 – 11 аш-Шаарави, 1:1 – 85 Йович, 2:1 – 88 Иконе.

“Фиорентина”: Черофолини, Венути (Додо, 62), Мартинес (Миленкович, 46), Игор Жулио, Бираги (Терзич, 46), Сапонара (Соттил, 61), Данкан (Куаме, 76), Барак, Мандрагора, Иконе, Йович.

“Рома”: Свилар, Миссори, Смоллинг (Манчини, 46), Льоренте, Залевски (Абраҳам, 80), Вейналдум (Кристанте, 60), Бове, Солбаккен (Рожер, 71), Белотти, Таҳирович, аш-Шаарави (Челик, 46).

Огоҳлантиришлар: Сапонара (25), Миссори (32), Мартинес (43), Венути (50), Солбаккен (58), Йович (64), Свилар (75), Игор Жулио (77).

“Специя” – “Торино” 0:4

Голлар: 0:1 – 24 Висневски (автогол), 0:2 – 72 Риччи, 0:3 – 76 Илич, 0:4 – 90 Карамо.