Сўнгги янгиликлар
    • USD 12175.07
    • RUB 125.42
    • EUR 12831.31
    Спорт

    Бундеслига. “Бавария” сафарда ғалаба қозонди ва Германия чемпионига айланди, “Боруссия Д” ўз майдонида “Майнц”ни енга олмади

    7877

    Футбол бўйича Германия Бундеслигасининг 34-туридан ўрин олган ўйинлар 27 май, шанба куни бўлиб ўтди.

    Фото: Getty Images

    “Боруссия Д” ўз майдонида “Майнц”ни қабул қилди. Учрашувнинг 15-дақиқасида Ҳанче-Олсен ҳисобни очди. Орадан уч дақиқа ўтиб, дортмундликлар пенальти ишлаб олди. Пенальтини ноаниқ амалга оширган Аллер ҳисобни тенглаштириш имкониятини қўлдан чиқарди. 24-дақиқада эса Карим Онисиво меҳмонларнинг иккинчи голини урди. 

    Иккинчи бўлимда эса Дортмунд жамоаси ҳисобни қисқартира олди. 69-дақиқада Рафаэл Геррейру ўз ҳисобига гол ёздириб қўйди. Ўйин сўнгида эса Зюле ҳисобни тенглаштирди. Бироқ, ушбу гол дортмундликларга чемпионлик учун етарли бўлмади. 

    “Бавария” сафарда “Кёльн” меҳмони бўлди. Учрашувнинг 8-дақиқасида Кингсли Коман ҳисобни очди. 81-дақиқада Деян Любичич пенальтини аниқ амалга ошириб, мувозанатни тиклади. 89-дақиқада эса Жамал Мусиала мюнхенликларнинг иккинчи голига муаллифлик қилди. Якунда Мюнхен клуби 2:1 ҳисобида зафар қучди. 

    Шу тариқа “Бавария” кетма-кет 11 марта, ўз тарихида 33 марта чемпионликни нишонлади. 

    34-турдан сўнг Германия чемпионати жадвали қуйидагича кўриниш олди: 

    Скрин Софасcроэ

    Бундеслига

    34-тур баҳслари

    27 май, шанба

    “Кёльн” – “Бавария” 1:2

    Голлар: 0:1 – 8 Коман, 1:1 — 81 Любичич (пенальти), 1:2 — 89 Мусиала.

    “Кёльн”: Швебе, Шмиц (Ҳусейнбашич, 62), Шабо, Ҳюберс, Ҳектор, Кайнс (Шиндлер, 62), Схири, Любичич (Педерсен, 82), Майна (Лемперле, 82), Мартел, Зельке (Тилманн, 62).

    “Бавария”: Зоммер, Павар, Упамекано, де Лигт, Мазрауи (Мусиала, 85), Киммих, Гравенберх (Горетцка, 71; Тел, 85), Мюллер (Жоау Канселу, 62), Коман (Шупо-Мотинг, 71), Сане, Гнабри.

    Огоҳлантириш: Шмиц (24).

    “Боруссия Д” – “Майнц” 2:2

    Голлар: 0:1 – 15 Ҳанче-Олсен, 0:2 – 24 Онисиво, 1:2 – 69 Геррейру, 2:2 — 90+6 Зюле.

    “Боруссия Д”: Кобел, Ҳуммелс, Зюле, Рюерсон (Модест, 80), Геррейру, Жан, Брандт (Дюранвил, 62), Вольф (Мукоко, 46), Мален (Рейна, 63), Аллер, Адееми (Ройс, 40).

    “Майнц”: Дамен, Каси, Белл, Ҳанче-Олсен, Фернандеш, Аарон Мартин, Кор, Ли Чже Сон (Ингварцен, 66), Баррейро, Штах (Баркок, 80), Онисиво (Мустафа, 90).

    Огоҳлантиришлар: Геррейру (40), Фернандеш (71).