Олий Мажлис Қонунчилик палатасида 23 май куни навбатдаги мажлис ўтказилди. Бу ҳақда қуйи палата ахборот хизмати хабар берди.
Мажлисда “Ўзбекистон Республикасининг айрим қонун ҳужжатларига крипто-активлар айланмаси соҳасида лисензиялаш ва рухсат бериш тартибларини такомиллаштиришга қаратилган ўзгартиришлар киритиш тўғрисида”ги қонун лойиҳаси иккинчи ўқишда кўриб чиқилди.
Ушбу қонун лойиҳаси билан крипто-активлар айланмасидаги хизматлар провайдерлари фаолиятини амалга ошириш учун лицензия берувчи орган сифатида Истиқболли лойиҳалар миллий агентлиги этиб белгиланмоқда.
Қайд этилишича, қонун лойиҳасининг қабул қилиниши крипто-активлар айланмаси соҳасида лицензиялаш ва рухсат бериш тартибларидан ўтишни ривожлантиришга хизмат қилади. Мажлисда қонун лойиҳаси депутатлар томонидан қабул қилинди.
Изоҳ (0)