Раззоқов номидаги Қирғизистон давлат техника университетида республика собиқ президенти Асқар Акаэвнинг маърузалари ўтказилмайдиган бўлди. Бу ҳақда Политехника университети матбуот котиби Айнура Султонова маълум қилди.
Қирғизистоннинг ҳокимиятдан ағдарилган раҳбари 20 май куни рафиқаси Майрам Акаева билан бирга Бишкекка келгани ҳамда унинг Қирғизистон таълим муассасалари ва Фанлар академиясида нутқ сўзлаш режалари ҳақида хабар берилганди.
Асқар Акаевнинг Бишкекдаги олий ўқув юртларида маъруза ўқиши режалари 23 май кунги Қирғизистон парламенти йиғилишида депутатларни ғазаблантирди. Халқ депутатлари Ойбек Маткаримов ва Мирлан Чинибоев пойтахт олий ўқув юртларига қувғин қилинган президентнинг маърузалари керак эмаслигини таъкидлади.
Парламент аъзоси Қундузбек Сулаймонов Қирғизистон таълим вазири Қанибек Иманалиевдан Политехника университети ректорига нисбатан чора кўришни талаб қилди.
Коротовских Евгений, Қирғизистон
Изоҳ (0)