Чеченистон раҳбари Рамзан Қодиров Европа, Ғарб ва Украина разведка хизматлари Россия давлатчилигини сақлаб қолиш масаласидаги фаол позицияси туфайли унга қарши терактлар тайёрлаётганини айтди. Бу ҳақда “ТАСС” хабар берди.
“Улар Россияни вайрон қилишларига ҳалақит бермоқдаман, шу учун мендан қутулиш мақсадида ҳамма нарса қилишмоқда. Биз Европа ва Ғарб разведка хизматлари, Украина махсус хизматлари менга қарши терактлар тайёрлаётгани ҳақида маълумотларга эгамиз”, деди Чеченистон раҳбари.
Шунингдек, у Украина Мудофаа вазирлиги Разведка бош бошқармаси бошлиғи Кирилл Будановнинг “русларни бутун дунё бўйлаб ўлдиришга” тайёрлиги ҳақидаги баёнотига ҳам изоҳ берди.
“Буданов умрбод қамоқда ўтиради ёки ўқ еб ўлади, чунки рус халқининг ўз ҳимоячилари бор”, — дея қўшимча қилди Қодиров.
Изоҳ (0)