Самарқанд вилояти Тойлоқ тумани 17 май куни эркак икки ўғлини ўлдирди. Бу ҳақда “Дарё”га Бош прокуратура ахборот хизмати хабар берди.
Маълум қилинишича, шу куни соат 03:00 да 39 ёшли эркак Россияга ишлаш учун кетган турмуш ўртоғининг бегона шахслар билан ишқий муносабатда бўлгани акс этган видеоларни кўриб, у билан телефон орқали жанжаллашган.
Шундан сўнг у турмуш ўртоғидан қасд олиш мақсадида яшаш уйида ухлаб ётган 2 нафар вояга етмаган ўғлини (2015 ва 2017 йилларда туғилган) қасддан ўлдирган ва туман ички ишлар бўлимига келиб, бу ҳақда маълум қилган.
Мазкур ҳолат юзасидан Жиноят кодексининг 97-моддаси (қасддан одам ўлдириш) 2-қисми “а” (икки ёки ундан ортиқ шахсни) ҳамда “в” (айбдорга аён бўлган ожиз аҳволдаги шахсни ўлдириш) бандлари билан жиноят иши қўзғатилди. Гумонланувчи процессуал тартибда ушланган.
Изоҳ (1)
шу даражада вахшийлашиб кетдикми, эр аёлини, аёл эрини, она боласини, бола онасини, ота боласини улдирадиган жудаям купайиб кетди. одам кадри шунчалик буб кетдими.........