Chevrolet компанияси Қозоғистоннинг Қостанай заводида арзон Onix 2023 седанларини йиғишни бошлади. Унинг тахминий нархи 6 миллион тенге (13 минг доллар) бўлади. Бу мамлакат бозорида Б тоифали седанлар сегментидаги энг кутилган модел, деб хабар беради “Дарё” мухбири.
Янги Chevrolet икки версияда ишлаб чиқарилади:
- 1,2 литрли 132 от кучига эга турбо двигатель ҳамда 6 поғонали автомат узатмалар қутиси билан жиҳозланган;
- 1,2 литрли 90 от кучига эга атмосферали двигатель 5 поғоналик механик узатмалар қутиси билан жиҳозланган.
Эслатиб ўтамиз, бу машиналар Россияга етказиб берилмайди, чунки бош компания Россия ҳудудига ҳар қандай етказиб беришни тақиқлаган. Акс ҳолда, Америка концерни ишлаб чиқаришни тўхтатиш даражасидаги санкцияларни қўллаши мумкин.
Chevrolet Onixънинг аниқ нархи ҳозирча номаълум. Нархлар автомобилнинг Олмаотадаги тақдимотида эълон қилинади.
Ушбу автомобиль Ўзбекистондаги заводларда аллақачон ишлаб чиқарилмоқда. Унинг нархи 149 005 000 сўм (13 000 доллар), аммо уни сотиб олишда қийинчиликлар мавжуд, хусусан, харидорни бир йиллик навбатлар кутади.
Талгат Сатибалди, Остона
Изоҳ (0)