Украина президенти Владимир Зеленский BBC’га берган интервьюсида Россия раҳбарияти ўз ажали билан ўлмаслигини айтиб ўтди.
“Кремлдагиларнинг оқибати ёмонлик билан тугайди, ишонинг. Ростини айтсам бу қандай амалга ошишини билмайман, лекин тезроқ тугашини истардим. Улар, албатта, ўз ажали билан ўлмайди”, — деди Зеленский.
Россия Федерацияси Хавфсизлик Кенгаши раиси ўринбосари Дмитрий Медведев Владимир Зеленскийнинг сўзларига жавоб қайтарди.
“Яшил кийимдаги махлуқ Кремлдаги ҳаммага ўлим тилади. Аммо улар ўз ўлими билан ўлмас эмиш...
Киевдаги гиёҳванднинг айнан ўзини ўзи ўлдириши учун имконият бор. Қўрқоқларча ўз жонига қасд қилиш орқали. Худди заҳар ичиб ўлган Гитлер каби” — деб ёзди Медведев.
Изоҳ (0)