Сурхондарё вилояти Музработ туманида 7 май куни ички ишлар ходими унга қаршилик кўрсатган маст эркакнинг қўлларини боғлаб қўйди. Вилоят ИИБ ҳолат юзасидан муносабат билдирди.
Маълум бўлишича, соат 01:10 да “Шаффоф” маҳалласида яшовчи фуқаро С.С. исмли аёл туман ИИБ навбатчилик қисмига қўнғироқ қилиб, яшаш уйига нотаниш шахс келиб кўп марта эшигини тепиб жанжал қилаётгани ҳақидаги мурожаат қилган.
Шу куни тунги хизматга жалб қилинган ИИБ ходими М.А. чақирилган манзилга борганда фуқаро У.П. кучли мастлик ҳолатида, ходимнинг қонуний талабини бажармагани учун уни тиббиёт марказида ташкил этилган Алкогол мастлик ҳолатидаги шахсларга тиббий ёрдам кўрсатиш туманлараро пунктига олиб борган.
Тиббиёт бирлашмасида хам даволанаётган беморларнинг тинчлигини бузиб, қонуний талабларга бўйсунмасдан, қўпол сўзлар билан ҳақоратлашда давом этган У.П.ни тинчлантириш мақсадида ИИБ ходими қатъий ҳаракат қилиб, унинг қўлларини боғлаб қўйган. Ҳозирда мазкур ходимнинг ҳаракатлари юзасидан Сурхондарё вилоят ИИБ масъуллари томонидан хизмат текшируви ўтказилмоқда.
Изоҳ (0)