Сурхондарё вилояти Узун туманида Gentra жарликка тушиб кетиши оқибатида икки киши ҳалок бўлди. Бу ҳақда вилоят Йўл ҳаракати хавфсизлиги бошқармаси ахборот хизмати хабар берди.
Вилоят ИИБ Йўл ҳаракати хавфсизлиги хизмати навбатчилик қисмига бу бўйича хабар келиб тушган. Унга кўра, ҳолат 7 май куни 23:30 ларда Узун туманидан ўтувчи 4K-620 автомобиль йўлининг 51-километрида содир бўлган. Воқеа жойини ўрганиш мақсадида масъул раҳбар ва ходимлар етиб борган.
Денов йўналишидан ҳаракатланиб келаётган Gentra хавфли бурилишларга эътибор бермасдан, чалғиши оқибатида жарликка тушиб кетган. Ҳодисада 1 нафар фуқаро воқеа жойида, яна бир фуқаро эса туман шошилинч тиббий бўлимига олиб борилган вақтда ҳалок бўлган.
Изоҳ (0)