Самарқандда ўз укасини пичоқлаб ўлдирган эркакка нисбатан суд ҳукми ўқилди. Бу ҳақда “Миллар” дастурида хабар берилди.
Унга кўра, воқеа 2022 йил 30 ноябрь куни соат 22:00 ларда Самарқанд тумани “Қайнама” маҳалласида содир бўлган. Ака-ука ўртасида ўзаро жанжал келиб чиққан. Бунинг оқибатида ака 42 ёшли укасининг юз ва кўкрак қисмларига ошхона пичоғи билан бир неча маротаба уриб, қасддан ўлдирган.
“Нима бўлганини билмайман. Қандайдир тасодиф бўлиб қолган бўлиши керак. Мен бехабарман. Мен бутунлай бошқа ерда эдим. Иккаласи тортишиб қолган экан. Укасини жуда яхши кўрар эди. 4 та фарзанди мени бўйнимда қолди энди”, — дейди уларнинг онаси.
Айбдор Жиноят кодексининг 97-моддаси 1-қисмида назарда тутилган жиноятни содир этганликда айбдор деб топилди ва 12 йил озодликдан маҳрум этилди.
Изоҳ (0)