Қорақалпоғистон Жўқорғи Кенгеси раиси Аманбай Ўринбаев бошчилигидаги делегация Наманган вилоятига келди. Бу ҳақда “Дарё” мухбири Азизбек Абдувалиев хабар бермоқда.
Фото: Наманган вилояти ҳокимлиги ахборот хизмати
Вазирлар, ҳокимлар, бошқарма бошлиқлари, банк раҳбарлари ва тадбиркорлардан иборат делегация Наманган вилояти ҳокими Шавкат Абдураззоқов ҳамроҳлигида Наманган шаҳридаги “Баркамол авлод”, “Даштбоғ” ва “Юксалиш” кичик саноат зоналари, Фазман ва “Ифтихор кийим саноат” корхоналари, Давлатобод туманидаги ёшлар зиё масканида бўлди. Янги Наманган шаҳарчасида олиб борилаётган қурилиш ишлари билан танишди.
Фото: Наманган вилояти ҳокимлиги ахборот хизмати
Меҳмонларда, хусусан, “Даштбоғ” кичик саноат зонасининг фаолияти катта таассурот қолдирди. Наманган шаҳридаги аҳоли гавжум маҳалла ичида жойлашган ва 3 мингдан ортиқ янги иш ўринлари яратилган ҳудудда ҳозиргача 22 та лойиҳа ишга туширилган.
Фото: Наманган вилояти ҳокимлиги ахборот хизмати
“Маҳаллага саноатни олиб киришни Наманган мисолида ўрганишимиз керак экан. Наманганлик тадбиркорларни шундай лойиҳаларни амалга ошириш учун Қорақалпоғистонга таклиф этишга доим тайёрмиз”, — деди Аманбай Ўринбаев.
Фото: Наманган вилояти ҳокимлиги ахборот хизмати
Наманган вилояти жорий йил 21 майдан бошланадиган ва бир ой давом этадиган халқаро гуллар фестивалига ҳозирлик кўрмоқда. Меҳмонлар тадбирнинг асосий манзилига айланган Бобур номли боғда ҳам бўлиб, фестивалга тайёргарлик ишлари билан танишди.
Фото: Наманган вилояти ҳокимлиги ахборот хизмати
Маълумот учун, ҳозирда вилоятда етиштирилган 40 минг тупдан ортиқ гуллар наманганлик гулчилар томонидан Қорақалпоғистоннинг Қораўзак туманига олиб келиниб, ҳудудни кўкаламзорлаштириш мақсадида экилмоқда.
Фото: Қораўзак туман ҳокимлиги ахборот хизмати
Изоҳ (0)