30 нафар ўзбекистонлик мигрант 10 май куни кечаси Москвадаги Монро кафесига бостириб кирди. Бу ҳақда Реадовка хабар берди.
Нашрнинг ёзишича, улар кафега ҳужум қилиб, уч ходимга ташланган. Улардан бирига пичоқ санчиб, иккинчисига қурол билан таҳдид қилишган. Ҳужум оқибатида ходимларнинг қовурғалари синган, ҳомиладор аёлнинг қорнига бита билан уришган ва телефонларни ўғирлашган.
Мигрантлар олдин ҳам кафега ташриф буюрган ва кафега келган бошқа одамлар билан жанжаллашган. Администраторнинг сўзларига кўра, ўшанда улар мебеллар ва идиш-товоқларни синдирган, бунинг учун жарима тўлаб, хотиржамлик билан кафени тарк этган.
Бироқ, 10 май куни улар яна шериклари билан қайтиб келиб, погром уюштирган. Бундай ҳаракатга нима сабаб бўлгани номаълум. Балки муҳожирлар шу йўл билан қасос олишга қарор қилгандир, деб ёзади нашр.
Ҳодисадан кейин мигрантлар Подолскга, шунингдек, Москва яқинидаги бошқа шаҳарларга жўнаб кетган. Полиция ҳали ҳам уларнинг барини қўлга олмаган.
Изоҳ (0)