Ўзбекистонга 2023 йилнинг январь—март ойларида 1 668 та электромобил импорт қилинган. Бу ҳақда Статистика агентлиги хабар берди.
Маълум қилинишича, мамлакатга уч ой ичида саккизта хорижий давлатдан қиймати 54,7 миллион долларга тенг бўлган 1668 дона электромобил олиб келинган. Электромобиллар импорти ўтган йилнинг мос даври билан солиштирилганда 1215 тага ошган.
Ўзбекистон 2023 йилнинг март ойида хорижий давлатлардан 882 дона электромобил импорт қилган.
Уч ойда энг кўп электромобил импорт қилинган давлатлар:
- Хитой — 1444 та;
- Гонконг — 183 та;
- Германия — 27 та;
- Жанубий Корея — 6 та;
- БАА — 5 та.
Ўзбекистонда март ойида хорижда ишлаб чиқарилган янги енгил автомобиллар савдоси сезиларли даражада ошгани тўғрисида хабар берилганди. Бир ой ичда “иномарка”лар бўйича битимлар сони 15 фоизга кўпайган ва 2,9 минг донага етган. Февраль ойида эса электромобиллар сотуви 746 донани ташкил этиб, рекорд қайд этган эди.
Изоҳ (0)