Россиянинг Омск шаҳар марказидаги ҳарбий комиссарият (военкомат) биносини ёқиб юборган Қозоғистон фуқаросига 13 йилга озодликни чеклаш бўйича ҳукм чиқарилди, у жазони колонияда ўтайди. Бу ҳақда Омск вилояти федерал хавфсизлик хизматига таяниб,  “РИА Новости” хабар берди.

Суднинг аниқлашича, 2022 йил май ойида айбланувчи Молдхаметов Қозоғистоннинг яна бир фуқароси Сеил Диас Муратўғли билан биргаликда Пушкин кўчасидаги “военкомат”га Молотов коктейли улоқтирган. Шундан сўнг улар Россияни тарк этган, бироқ маълум вақт ўтгача қайтган. Шунда Молдхаметов ҳибсга олинган, Муратўғли эса федерал ва давлатлараро қидирувга берилган.

Кейинроқ Молдахметов ҳарбий комиссариятга ўт қўйгани учун унга 6 миллион тенге (тахминан 13,5 минг рубль) тўлаш ваъда қилинганини тан олган. Ушбу тадбирнинг мақсади кўнгиллиларни “махсус операция”га жалб қилиш кампаниясини бузиш эди.

Россия Жиноят кодексининг 205-моддаси 2-қисми бўйича максимал жазо 20 йилгача озодликдан маҳрум қилишни назарда тутади.

31 январь куни Россияда “военкомат”га ўт қўйганлик учун биринчи ҳукм чиқарилди. 2022 йилда 4 майга ўтар кечаси икки эркак Нижневартовскдаги ҳарбий комиссариятга ўт қўйишга уринган. Суриштирув материалларига кўра, ўша пайтда бинода қоровул бўлган. Ёнғин оқибатида қурбонлар қайд этилмаган. 

Ҳибсга олингандан сўнг, ўт қўйганларга безорилик ва мулкка қасддан зарар етказиш моддалари бўйича айблов қўйилган, бироқ декабрь ойида айблов терроризм моддасига қайта тоифаланган. Оқибатда айбланувчилардан бири Владислав Борисенко террорчилик иши бўйича (Жиноят кодексининг 205-моддаси 2-қисми) айбдор деб топилиб, 12 йилга озодликдан маҳрум қилинган ва 6 000 рубль (77 доллар) миқдорида жаримага тортилган.

2022 йилда Россияда “военкомат”ларга 77 марта ўт қўйишга уриниш бўлган. Бу террорчилик ҳаракати сифатида баҳоланади ва 15 йилгача озодликдан маҳрум қилинишга олиб келиши мумкин.