Украина президенти Владимир Зеленскийнинг матбуот котиби Никифоров Украинанинг Кремлдаги ҳужумга алоқадорлиги ҳақидаги айбловларни рад этди. Бу ҳақда BBC хабар берди.
Россия томонига кўра, Путин қароргоҳига 3 майга ўтар кечаси иккита дрон ҳужум қилган, улар ишдан чиқарилган. Ҳужум пайтида Россия президенти Кремлда бўлмаган, бироқ Кремль ҳужумни Путинга суиқасд ва террорчилик ҳаракати деб баҳоламоқда.
“Бизда Кремлга тунги ҳужумлар ҳақида ҳеч қандай маълумот йўқ. Аммо, президент Зеленский бир неча бор таъкидлаганидек, Украина барча мавжуд куч ва воситаларни ўз ҳудудларини озод қилишга, бошқаларга ҳужум қилмасликка йўналтиради.
Террористик давлат сўзлари ҳайратланарли. Теракт бу Днепр ва Умандаги кириш йўллари ёки Краматорскдаги темирйўл вокзалидаги ракета отишмаси ва бошқа кўплаб фожиалар оқибатида вайрон бўлган уйлардир. Москвада содир бўлган воқеа, шубҳасиз, 9 майгача вазиятнинг кескинлашуви”, — дейди Зеленскийнинг матбуот котиби.
Путин қароргоҳига ҳужум
Украина 3 майга ўтар кечаси Россия президентининг қароргоҳига дронлар билан зарба беришга урингани ҳақида хабар берилди. Иккита дрон Кремлни нишонга олишга қаратилгани, ҳарбийлар ва махсус хизматларнинг ўз вақтида кўрган ҳаракатлари натижасида қурилмалар ишдан чиқарилгани таъкидланди.
Ҳужум оқибатида Путин жабрланмаганини маълум қилинди, Россия президенти ҳодиса пайтида Кремлда бўлмаган. Ҳолат юзасидан Москвада 3 майдан бошлаб дронлар учириш тақиқланди, 9 май паради ўтказилиши режаси эса давом этади.
Изоҳ (0)