Путиннинг шериклари унинг вафотидан кейин ядро урушини бошлаши мумкин — Bild

Россия президенти Владимир Путин лавозимини тарк этгач, мамлакатда фуқаролик ядровий уруши бошланиши мумкин. Бу ҳақда Bild нашрининг шахсий эксперти Юлиан Репке маълум қилди.

Экспертга кўра, Владимир Путин вафот этган тақдирда ҳокимият тинч йўл билан ўзгармайди. Сабаби Кремль йиллар давомида бутун мамлакат бўйлаб демократик институтларни йўқ қилиб келган.

Барча демократлар ва мухолифатчилар атайлаб мамлакатдан “сиқиб чиқарилган”. Путиннинг ҳозирги сафдошлари эса президентликка даъвогарлик қилади, бунинг учун ҳокимият учун кураш кечмоқда.

Россияда ҳозирда фаол равишда яратилаётган хусусий ҳарбий кампаниялар келажакдаги фуқаролар урушига тайёргарлик босқичларидан бирига айланиши мумкин. Хусусан, Мудофаа вазири Сергей Шойгу, “Газпром” раҳбари Алексей Миллер ва олигарх Евгений Пригожин бу билан банд.

Шунингдек, Чеченистон раҳбари Рамзан Қодиров ҳам хусусий кампания яратмоқчилигини айтган

“Федерал хавфсизлик хизмати, Миллий гвардия ва армия ҳам маълум олигархлар ва режимнинг нуфузли шериклари назорати остида бўлиши мумкин. Уларнинг бир томонда бўлиши ниҳоятда даргумон”, — дейди Юлиан Репке.

Экспертнинг фикрича, Россияда ҳокимият учун бўлажак кураш “шафқатсиз” бўлади. Бу рақобатчиларни мақсадли ўлдириш билан чекланиш ёки фуқаролар урушига ўхшаш кенг кўламли можарога олиб келиши мумкин.

Муайян сценарийларга кўра, ядровий қурол қўлланилиши эҳтимоли паст, аммо буни инкор этиб бўлмайди.

“Путиннинг ўлими билан ҳаммаси ‘яхши’ бўлмаслиги аниқ, ҳатто оптимистлар ҳам бунга умид қилмайди. Россия диктаторининг ўзи бунга ғамхўрлик қилган”, — дея хулоса қилган Репке.