“Катта еттилик” давлатлари Хиросимада ўтказиладиган саммитдан олдин Россияга экспортни бутунлай тўхтатиш имкониятини кўриб чиқмоқда. Бу ҳақда Kyodo ангентлиги Япония ҳукуматидаги манбасига таяниб хабар берди.
“G7 давлатлари Москвага қарши санкциялар режимини узайтириш доирасида Россияга амалга ошириладиган экпортларни бутунлай тақиқлаш имкониятини кўриб чиқяпти”, — дейилади агентлик хабарида.
Қайд этилишича, “Катта еттилик” давлатлари ҳозирда Россияга кенг турдаги товарлар, жумладан, ҳарбий мақсадлар ва ҳашаматда фойдаланиш мумкин бўлган маҳсулотлар экспортини тўхтатган.
“Аммо охирги режа минилган автомобиллар, шиналар, косметика товарлари ва кийим-кечаклар борасидаги савдо эмбаргосини кенгайтириши мумкин”, — дея таъкидлайди манба.
“Катта еттилик”нинг Хиросимадаги саммити 19–21 май кунлари бўлиб ўтади.
Украинада уруш бошланганининг бир йиллиги муносабати билан АҚШ ва Европа Иттифоқи Россияга қарши янги санкциялар киритди. Россиянинг 11 банки Вашингтоннинг янги чекловлари остида қолди. Бундан ташқари, АҚШ Россиядан алюминий ва алюминий маҳсулотларига 200 фоиз бож жорий этмоқда. Россиянинг 50 дан ортиқ амалдорлари, хусусан, баъзи вазир ва губернаторлар янги санкцияларга дучор бўлди. Март бошларида АҚШ президенти Жо Байден ва Германия канцлери Олаф Шольц Вашингтонда музокара ўтказди ва унинг давомида Россияни Украинадаги воқеалар учун етарлича жавобгарликка тортиш ниятини билдирганди.
Изоҳ (0)