Ижтимоий тармоқларда Қашқадарё вилояти Китоб туманида отахон калтакланиши оқибатида ҳушидан кетиб қолгани акс этган видео тарқалди. Вилоят Ички ишлар бошқармаси ахборот хизмати хабар берди.
Хабарга кўра, 2023 йил 13 апрель куни соат 15:30 ларда Китоб тумани “Гулистон” маҳалласида яшовчи У.Э. билан Т.Қ. ўзаро жанжаллашиб қолган. Натижада Т.Қ. қўлидаги таёқ билан У.Э.ни уриб, тан жароҳати етказган. Эркак шу куни шифохонада вафот этган.
Ҳолат юзасидан Китоб туман ИИБ ҳузуридаги тергов бўлими томонидан олиб борилган дастлабки тергов давомида Т.Қ. жиноят ишида Жиноят кодексининг 104-моддаси (қасддан баданга оғир шикаст етказиш) 3-қисми “д” банди (жабрланувчининг ўлимига сабаб бўлиш) билан айбланувчи тариқасида иштирок этишга жалб қилинган. Шунингдек, ҳолат юзасидан жиноят иши қўзғатилиб, унга нисбатан қамоққа олиш тарзидаги эҳтиёт чораси қўлланилган.
Изоҳ (0)